蔡潔揸車因水浸被困 白色名車威到上央視新聞 網民：最緊要人冇事！

GIRLAV

現年35歲嘅蔡潔（Jacky）係TVB近年力捧花旦之一，近年拍攝多套劇集以成功入屋，人氣急升。不過近日佢又發生咗一件唔開心嘅話，話說上周連場大暴雨，唔少地區出現水浸情況，更有唔少車輛因水浸而死火，當中有一架白色寶馬被浸喺水中，仲威水到上埋央視新聞，而呢架車嘅車主正正就係蔡潔。

蔡潔喺IG出PO表示其白色寶馬已經救唔返：「我架小白光榮退休啦！我會記得開住你到處走嘅日子，多謝你陪住我返工放工，唔開心嘅時候會匿埋係你度聽歌聽幾個鐘，你又車過我好多巨星朋友，同埋爸爸話我知，前兩日你仲上埋央視新聞，威過我啊！再見啦！之前的日子感恩有你， 那天回到公司已經喊到豬頭咁，好多謝所有慰問我嘅朋友，同埋樂小姐，大家都好熱心咁睇下有無嘢幫到我，人間有愛，尊san拯san話，因為你架車救咗後面無數架車啊 如果真係咁樣，都總算值得啊，多謝拯救我的消防員哥哥，你們辛苦了！劇組廷哥，唔好意思我當時完全已經語無倫次，多謝拖車哥哥同埋車房的朋友 最後，過咗兩日先回到魂，多咗一種人生經歷，同埋最緊要係，大家都平平安安 #jackylittlemoments#晴天啦 」

呢個PO一出，唔少藝人紛紛留言關心，例如劉佩玥「最重要係你無事♥️」、王子涵「一切都是最好的安排！人沒事就好❤」及陳瀅「omg bye bye car car… thank you for giving me a ride 」等等，另外亦有唔少網民留言關心佢，例如「冇事就好」、「平安最重要」、「最緊要人冇事！感恩！」及「最緊要人無事呀 最後段片嚇到我以為妳真係整親 流哂血」等等。

LasCases

唔多識。

xiaozhongchang

人的健康和生命仍然比汽車更重要

op1b

其實成篇嘢, 係想吹佢係內地好出名呀...?
定係佢係香港好出名呢 ?

howardwo

水浸咁深都揸過去，佢似乎係矛乜常識噃！