《愛回家》三姨離巢TVB後變真．心如老師 蘇韻姿開全英歌唱班：𠵱家係Perfect Timing

GIRLAV

憑TVB處境劇《愛．回家之開心速遞》熊心如一角入屋的蘇韻姿（Andrea）不時更新IG分享靚相，原來心如最近真的成為老師，蘇韻姿加盟謝東閔和吳業坤的音樂學院，開設音樂劇兒童歌唱班，並會以全英文授課。

早前於叮叮留影的Andrea於IG分享靚靚夜景相，並寫道：「🚋 Ding ding My favourite mode of transport in hk, I love the slow pace, the mild breeze and the easiness of life as you watch the lights go by…」趙璧渝大讚：「Gorgeous ✨✨」杜以辰大派心心眼：「😍😍😍」

Andrea即將教授暑期音樂劇兒童歌唱班，她說：「係一個短暫嘅課程，之前都有試過幫小朋友補習、教小朋友唱英文歌，本身都好鍾意小朋友。」她笑言：「都心如現實又可以做一個老師，幾得意嘅體驗。」離開TVB後，Andrea有很多新嘗試，「可能之前拍攝時間唔穩定，唔容許我可以做到呢啲嘢，始終教小朋友，每日要有穩定嘅時間，我想認真對待，唔想因為拍嘢而影響教班嘅進度。𠵱家係Perfect嘅Timing，本身好想做呢樣嘢，亦都鍾意同小朋友相處，𠵱家就可以嘗試。」

她又謂：「教育方面係有興趣嘅，本身都有幫人補習過，嚟緊都有傾緊唔同嘅合作，稍後再宣布畀大家。演藝方面亦有其他嘗試，例如直播工作同拍攝工作，可以喺唔同嘅位有新嘗試同發展，呢種彈性都係我想追求嘅事。希望我喺唔同嘅範疇發展會愈嚟愈好，亦希望大家見到我喺唔同嘅位置都可以做到發光發亮。」

LasCases

都唔錯。

howardwo

劈炮唔撈